我一向唔太鍾意lum pat pat嘅口感，所以由細到大並唔係牛油果嘅fans，直至今次去澳洲旅行食過一個Avocado Brown Rice Salad後，先懂得好好欣賞牛油果🥑的美～～
為滿足自己對🥑嘅Craving，今朝就動手整咗份三文魚🐟牛油果🥑烘餅😋😋
「減肥食唔得牛油果架？我聽講好肥架喎！」
牛油果的確卡路里比較一般水果高 —— 1個中型牛油果（約200克）已經有320kcal嘅熱量（一碗飯所含熱量約200kcal），而脂肪含量達至29.5克（約6茶匙油）🙊🙊 不過唔洗過分擔心 — 牛油果大部分嘅脂肪屬不飽和脂肪酸（是健康的油分！），有益心臟健康之餘❤️，仲可以保持皮膚潤滑💁🏻（啱哂依家秋冬轉季時）！
大家可以學我咁控制份量，每日食不多於1/2個牛油果就OK👌（減磅朋友則建議以1/4個牛油果換算為1份脂肪）！其實只要食得精明、份量適宜，減肥時都可以食得好好架！
GRACE'S TIPS:
👩🏻🍳冇人同我share牛油果，點算？？可以將整個牛油果壓成蓉，混合少少青檸/檸檬汁 + 鹽 + 黑胡椒，用一湯匙嘅份量搽麵包，剩低嘅就留第二日食啦！
🌱牛油果其實好高纖架！一個含有13.5克膳食纖維（健康成年人每日建議攝取25至30克膳食纖維），💩💩唔暢順可以考慮吓😂
Yorumlar