就算趕著出門口，我都一定會俾自己10分鐘食個靚靚早餐，咁先有動力工作架嘛！💪🏻💪🏻💪🏻
呢個時候，炒蛋最適合不過🍳🍳🍳！由落油-熱鑊-打蛋-落鑊，5分鐘內必定完成！記得用細火 慢~火~炒，咁樣就算淨係落1/2茶匙油都煮得出茶餐廳式滑蛋啦 🤓🤓🤓（利申：我係用易潔鑊的）
▲再加埋少少黑松露菌醬，就成個早餐瞬間UPGRADE！😋😋😋
GRACE'S TIPS:
我認為最有營養嘅早餐組合，莫過於「全穀物 + 蛋白質 + 奶類」！
不過香港人每日都爭分奪秒，早餐好多時都係用一個空氣包搞掂... 而好可惜普遍嘅港式餐包都屬高脂高糖，蛋白質含量亦唔高，不能符合「營養早餐」嘅條件！
蛋白質除咗可以通過保持肌肉量而維持新陳代謝率，更有助增長飽肚感，減低你係Lunchtime前周圍摷零食嘅機會啦！
冇時間炒蛋嘅你，可以考慮吓以下選擇，為你嘅早餐增添蛋白質：
原味低糖乳酪 (Greek Yogurt更加係高蛋白質之選！)
低糖豆漿 (例如鈣思寶豆奶，依家市面上更加有無添加糖嘅產品！)
低脂芝士片
烚蛋 (如果你唔怕麻煩，可以前一晚烚定隻蛋；如果你怕麻煩，不妨去便利店買糖心蛋/茶葉蛋吧！)
水浸吞拿魚
コメント