先前碌碌吓Facebook時見到以下嘅Post：
筆者話：「牛油果『牛油』(Avocado Butter) 比起牛油低卡同少啲飽和脂肪~ 未嘗唔係一個健康啲嘅選擇！」不過...「低卡同少啲飽和脂肪」就真係代表健康啲？
其實之前「巡舖」時，我亦留意到呢隻新出嘅牛油果Butter。當時係開心咗一秒，但望完佢嘅營養標籤就 大 失 望😔😔😔!! 因為佢竟然含有棕櫚油(Palm Oil)同E471❗️每100克更加含有1克反式脂肪‼️
▲再睇清楚啲，呢隻AVOCADO BUTTER每100克含有14.4克飽和脂肪，其實唔算少呢！
棕櫚油雖然為植物油，但其實係飽和脂肪嘅一大來源！因為價錢平所以好多食品商都會用到嚟製作加工食品！而E471係一種含反式脂肪嘅乳化劑🤨長期攝取過量飽和脂肪同反式脂肪嘅話，可增加患上高膽固醇嘅風險📈 對心血管健康構成危害💔💔
所以話，學識睇營養標籤真係好重要！
GRACE'S TIPS:
咁搽麵包有咩可以揀? 不妨考慮吓以下幾個選擇：
🥑🥑牛油果：牛油果本身都夠creamy — 除咗富含健康嘅油分，仲高鉀高纖添！(1/4個中型牛油果=1茶匙油)
🥜🥜果仁醬Nut Butters：果仁亦係健康油分嘅一大來源；依家除咗花生醬，仲有杏仁、腰果醬添！選購時記得睇清楚係咪「不含棕櫚油」、「不含氫化油」、「不含部分氫化油」啊! 最好無添加糖，100%果仁啦！
🧀🧀茅屋芝士 Cottage Cheese / 乳清芝士 Ricotta Cheese：兩者都係較低熱量同脂肪嘅軟身芝士，可以取替比較heavy嘅忌廉芝士
Commentaires