每逢星期日同嫲嫲飲完茶後，我都會順便去埋Marks & Spencer「巡舖」🧐🧐，睇睇有咩新貨品；而今日就發現佢哋又出咗幾款新嘅Guilt-Free薯片～即刻每款買一包返屋企🤣🤣！
以下為大家分析一下當中邊隻最健康💪🏻 + 最好食😋（今次搵咗媽嗎👩🏻同妹妹👧🏻同我一齊試食+評分）
【減肥放心食系列】
以薯片嚟講，「放心食系列」呢3款全部都比較低卡同低脂（每100克少過10克總脂肪），啱哂減緊肥但又口痕嘅你！
(1) Sour Cream & Chive Baked Potato Crisps（每包91千卡 = 約1.5份五穀）
（嚴格嚟講，呢款唔算新推出，只係換咗新包裝）
健康度：⭐⭐⭐⭐ 好味度：⭐⭐⭐⭐ （5分為滿分）
👍🏻最低脂 + 最低飽和脂肪 👍🏻出奇地高纖
雖然Sour Cream & Chive嘅味道唔係好出，但勝在薯仔味夠濃🥔🥔🥔，亦唔太鹹（不過鈉含量唔算特別低啊），媽媽同妹妹都話好味👌🏻！而且每包先得0.7克脂肪，豪俾佢啦😆！
(2) Soy, Ginger & Chilli Quinoa Waves（每包91千卡 = 約1.5份五穀）
健康度：⭐⭐⭐⭐ 好味度：⭐⭐⭐⭐⭐ （5分為滿分）
👍🏻咁多款中最低鈉 👍🏻味道最特別
我個人覺得呢款最好食、味道比較特別（淡淡嘅薑味 + 甜豉油味），其他牌子冇類似的🤩 雖然標明Chilli-Flavoured，但唔會太辣，怕辣嘅朋友唔洗擔心☺️☺️
(3) Sour Cream & Chilli Lentil Curls（每包88千卡 = 約1份五穀）
健康度：⭐⭐⭐⭐ 好味度：⭐⭐⭐⭐ （5分為滿分）
（嚴格嚟講，呢款唔係新推出，但以前冇獨立包裝）
👍🏻最適合嗜辣者🔥 👎🏻高鈉
媽媽👩🏻嘅至愛～呢款真係辣（慢慢滲出嚟、越食越辣個種），而且亦非常脆口🤤 我個人認為稍微偏鹹（唔怪得啦，每100克含多過600毫克鈉😟😟）
【Keep Fit可考慮系列】
比起常見薯片，以下3款其實都唔算肥（每100克含10-20克總脂肪 vs. 常見薯片 每100克含～30克總脂肪），但如果要雞蛋裡挑骨頭，以下3款確實係比上面嘅肥
(1) Salt & Vinegar Brown Rice & Kale Popped Chips（每包99千卡 = 約1.5份五穀）
健康度：⭐⭐⭐ 好味度：⭐⭐⭐ （5分為滿分）
👍🏻啱鍾意酸味嘅朋友仔
妹妹👧🏻嘅首選～因為有非常出嘅米香🍚🍚 唔太食得出Salt & Vinegar味，反而有蕃茄味🍅😯 不過我個人認為佢個樣太似popped chips/米餅，俾唔到我一種「我依家食緊薯片」嘅錯覺🙈🙈
(2) Sweet & Smoky Chickpea Puffs（每包111千卡 = 約1.5份五穀）
健康度：⭐⭐⭐ 好味度：⭐⭐⭐ （5分為滿分）
👍🏻纖維含量高 👍🏻燒烤醬味濃
第一啖食落口就同Lay's Barbecue Flavoured有90%似！所以我同妹妹都覺得好食！妹妹仲話texture好似粟一燒😂
(3) Rainbow Veggie Tasters（每包110千卡 = 約1.5份五穀）
健康度：⭐⭐⭐ 好味度：⭐ （5分為滿分）
👍🏻一包薯片裡面有3種口味，最抵食🤗
我哋三母女一致認為，最唔好食... 係呢隻😅😅 完全食唔到佢講個三隻味（或者啲味道太fancy，我對佢嘅expectation太高...）妹妹就話冇咩特別，媽媽仲mean — 佢話好似食緊麵粉咁🤭🤭
總結以上分析，最「有營好味」嘅係... Soy, Ginger & Chilli Quinoa Waves～
係零食當中，呢幾款薯片都尚算唔太邪惡，每一包約100千卡而又少過1茶匙油（即5克脂肪），確實係Guilt-Free嘅😇😇
GRACE'S TIPS:
選購薯片時，記得睇睇營養標籤啊🔍🔍：
(註：比較不同薯片時，可以運用「每100克」欄上嘅資料作比較～)
總脂肪(Total Fat)：每100克含超過30克脂肪屬於唔健康的，10-20克就可以考慮，而低過10克就係j較健康之選
飽和脂肪(Saturated Fat)：建議每100克不超過1.5克飽和脂肪
反式脂肪(Trans Fat)：最好不含反式脂肪，成份表上亦無含有反式脂肪嘅材料（例如氫化油、部分氫化油、起酥油等）
鈉(Sodium)：越低越好；每100克多過600毫克鈉算「高鈉」啦
Comments